હાલ રાજ્યમાં લાંચિયા અધિકારીઓ પર તવાઈ બોલાવવામાં આવી રહી છે. ગુજરાત એસીબી દ્વારા ઘણા લાંચિયા અધિકારીઓને ઝડપી લેવામાં આવ્યા છે. આવામાં સુરતમાંથી વધુ એક લાંચિયો અધિકારી ઝડપાતા સરકારી કર્મચારી બેડામાં ખૌફનો માહોલ જોવા મળી રહ્યો છે. સુરતના ઉધનામાં સર્કલ ઓફિસર લાંચ લેતા રંગે હાથે ઝડપાયો હતો. મામલતદાર કચેરીનો સર્કલ ઓફિસર લાંચ એસીબીના હાથે લાંચ લેતા ઝડપાયો છે.
કામના અવેજ પેટે કૃષ્ણકુમાર ડાભીએ 10 હજાર રૂપિયાની લાંચ માંગણી કરી
સુરત ACB દ્વારા કૃષ્ણકુમાર ડાભીને 10 હજાર રૂપિયાની લાંચ લેતા ઝડપાયો હતો. ઘટનાની વિગતો અનુસાર, ફરિયાદીએ કાચી નોંધ પ્રામાણિત કરવા અરજી કરી હતી. જમીનમાં નામોની કાચી નોંધ પ્રામાણિત કરવાની હતી, આ કામના અવેજ પેટે કૃષ્ણકુમાર ડાભીએ 10 હજાર રૂપિયાની લાંચ માંગણી કરી હતી. આ અંગે ફરિયાદ કરતા સુરત એસીબી દ્વારા છટકું ગોઠવવામાં આવ્યું હતું.
