સુરતમાં ગઈ કાલે પરવત પાટિયા વિસ્તારમાં સ્થિત રાજ ટેક્સટાઈલ માર્કેટમાં લાગેલી આગને ફાયર બ્રિગેડે કાબુમાં લઈ લીધી છે. 14 કલાક બાદ આગ કાબુમાં આવી છે. ફાયર બ્રિગેડે 6 કલાક સુધી કૂલિંગની કામગીરી કરી હતી.આ ઘટનામાં બે ફાયર જવાનો ગૂંગળાયા હતાં અને એક માર્શલ દાઝી ગયા હતાં. ત્રણેયને સારવાર માટે હોસ્પિટલ ખસેડવામાં આવ્યા છે.રાજ ટેક્સટાઈલ માર્કેટના B બ્લૉકના 5થી 7 ફ્લોર ઉપર સ્ટેબિલિટી ચેક કરાશે.
FSLની ટીમ બિલ્ડીંગની સ્ટેબિલિટી ચેક કરશે
FSLની ટીમ બિલ્ડીંગની સ્ટેબિલિટી ચેક કરશે. ત્યાર બાદ બિલ્ડીંગને સીલ કરવાની કામગીરી થશે.આગ લાગી ત્યારે ઘટના સ્થળે પહોંચવામાં ફાયરના જવાનોને હાલાકીનો સામનો કરવો પડ્યો હતો. 90 મીટરની હાઈડ્રોલિક લેડર લઈ જવામાં મુશ્કેલી સર્જાઈ હતી. ઓપરેટરે લેડરને 20થી વધુ વખત આગળ પાછળ કરી હતી. છતાં પણ લેડર અંદર જઈ શક્યુ નહોતુ. 350 દુકાનો ધરાવતા માર્કેટમાં ફાયર એનઓસી સહિતના મુદ્દાઓ પર સવાલો ઉભા થયાં છે. અહીં મોટા ફાયર વાહનો પ્રવેશી શકે તેવી સ્થિતિ જ નથી.