સુરત જિલ્લામાંથી પસાર થતા નેશનલ હાઈવે 48 પર આજે એક માર્ગ અકસ્માતની ઘટના બની હતી. કામરેજ તાલુકાના વાવ ગામ નજીક હાઈવે પરથી પસાર થઈ રહેલા એક ટેમ્પોનું અચાનક ટાયર ફાટી ગયું હતું. ચાલકે વાહન પરનો કાબૂ ગુમાવતા ટેમ્પો અધવચ્ચે જ પલટી મારી ગયો હતો. અકસ્માતને પગલે હાઈવે પરના ટ્રાફિક પર થોડી અસર પડી હતી.
ટાયર ફાટી જતા ટેમ્પો પલટી ગયો હતો
આ અકસ્માતમાં ટેમ્પો ચાલકને સામાન્ય ઈજાઓ પહોંચી હતી. ઘટનાની જાણ થતા જ આસપાસના લોકો દોડી આવ્યા હતા અને ઈજાગ્રસ્ત ચાલકને તાત્કાલિક સારવાર અર્થે નજીકની હોસ્પિટલમાં ખસેડવામાં આવ્યો હતો. સદનસીબે, આ મોટી દુર્ઘટનામાં કોઈ જાનહાનિ થઈ નથી, પરંતુ ટેમ્પોમાં રહેલા સામાન અને વાહનને નુકસાન પહોંચ્યું છે.
