આગામી ચૂંટણીઓને ધ્યાનમાં રાખીને સુરત પોલીસ કમિશનરની સૂચના મુજબ SOGએ અસામાજિક તત્વો વિરુદ્ધ ઝુંબેશ તેજ કરી છે. આ અંતર્ગત SOGની ટીમે કુખ્યાત 'સુર્યા મરાઠી ગેંગ'ના સાગરીત દીપક ઉર્ફે દીપક કુટેકરને એક લોડેડ પિસ્તોલ સાથે ઝડપી પાડ્યો છે.
બદલો લેવા ખરીદ્યું હતું હથિયાર
પોલીસ પૂછપરછમાં ચોંકાવનારો ખુલાસો થયો છે કે, વર્ષ 2024માં હિતેશ સોલંકી નામના વ્યક્તિ સાથે થયેલા ઝઘડામાં આરોપી પર ફાયરિંગ થયું હતું. આ હુમલાનો બદલો લેવા માટે દીપકે એક વર્ષ પહેલા ઉત્તર પ્રદેશના મુન્ના દૂધ નામના વ્યક્તિ પાસેથી ₹35,000 માં પિસ્તોલ ખરીદી હતી. આરોપી કોઈ મોટી વારદાતને અંજામ આપે તે પહેલા જ પોલીસે તેને દબોચી લીધો છે.