સુરતના કાપડ બજારમાંથી વેપારીઓ માટે માઠા સમાચાર આવી રહ્યા છે. સુરત ટેક્સટાઈલ માર્કેટમાં આગામી દિવસોમાં કાપડના પાર્સલની હેરાફેરી કરવી વધુ મોંઘી બનશે. માર્કેટિંગ ટ્રાન્સપોર્ટ લેબર યુનિયન દ્વારા પાર્સલ સર્વિસના ભાવમાં મોટો વધારો કરવાની સત્તાવાર જાહેરાત કરવામાં આવી છે, જેના કારણે સ્થાનિક વેપારીઓ પર આર્થિક ભારણ વધશે.
પાર્સલ દીઠ 15નો વધારો, 1 જૂનથી અમલ
મળતી માહિતી મુજબ, ટ્રાન્સપોર્ટ લેબર યુનિયન દ્વારા લેવાયેલા નિર્ણય અંતર્ગત હવેથી પાર્સલ દીઠ રૂપિયા 15નો વધારો ઝીંકવામાં આવ્યો છે. આ વધેલા સુધારેલા ભાવો આગામી 1 જૂનથી સત્તાવાર રીતે અમલમાં આવી જશે. આ ભાવ વધારાને પગલે રોજના હજારો પાર્સલ બહારગામ મોકલતા સુરતના નાના-મોટા કાપડ વેપારીઓના પરિવહન ખર્ચમાં મોટો ઉછાળો આવશે.