શહેરના પોશ ગણાતા ઉમરા વિસ્તારમાં એક બંગલાને નિશાન બનાવી ઘરફોડ ચોરી કરનાર રીઢા ગુનેગારોને સુરત ક્રાઈમ બ્રાન્ચે ઝડપી પાડ્યા છે. પોલીસની તપાસમાં જાણવા મળ્યું છે કે આ ચોરી પાછળ કુખ્યાત 'રોહિત ઉર્ફે મોડેલ' અને તેના સાગરીતનો હાથ હતો.
ઘરફોડ ચોરી કરનાર આરોપીઓની ધરપકડ
સુરત ક્રાઈમ બ્રાન્ચે બાતમીના આધારે વોચ ગોઠવીને રોહિત ઉર્ફે મોડેલ અને તેના સાથીદારને દબોચી લીધા છે. પોલીસ તપાસ દરમિયાન આરોપીઓ પાસેથી ચાંદીના દાગીના, સિક્કા અને ચોરીની ઘટનામાં વપરાયેલ મોપેડ સહિત કુલ રૂપિયા 1.69 લાખથી વધુની કિંમતનો મુદ્દામાલ જપ્ત કરવામાં આવ્યો છે.