સુરત શહેરના સરથાણા વિસ્તારમાં અસામાજિક તત્વોનો ત્રાસ દિન-પ્રતિદિન વધી રહ્યો છે. સરથાણામાં આવેલા શાયોના પ્લાઝામાં લુખ્ખાઓએ આતંક મચાવી એક નિર્દોષ વોચમેનના બાઈકને આગ ચાંપી દીધી હતી. આ સમગ્ર ઘટના નજીકના સીસીટીવી કેમેરામાં કેદ થઈ છે, જેના આધારે પોલીસે તપાસ શરૂ કરી છે.
સરથાણામાં લુખ્ખાઓનો આતંક
મળતી માહિતી મુજબ, સરથાણાના શાયોના પ્લાઝામાં કેટલાક લુખ્ખાઓ સિગરેટ પીતા હતા. કોમ્પ્લેક્સની મર્યાદા જાળવવા અને ફરજના ભાગરૂપે ત્યાંના વોચમેને આ શખ્સોને જાહેરમાં સિગરેટ પીવાની મનાઈ કરી હતી. વોચમેનની આ વાતથી લુખ્ખાઓ ઉશ્કેરાઈ ગયા હતા અને તેમની સાથે બોલાચાલી કરી હતી. આ વિવાદ એટલો વકર્યો કે ઉશ્કેરાયેલા લુખ્ખાઓએ વોચમેનને પાઠ ભણાવવાના ઈરાદે ત્યાં પાર્ક કરેલા તેમના બાઈક પર જ્વલનશીલ પદાર્થ છાંટી તેને આગ લગાડી દીધી હતી.