સુરેન્દ્રનગર-ધ્રાંગધ્રા રોડ પર મોડી રાત્રે એક અકસ્માતની ઘટના સામે આવી છે. એક બેકાબૂ કાર અને બે મોટરસાયકલ વચ્ચે થયેલા ગમખ્વાર અકસ્માતમાં એક વ્યક્તિનું ઘટનાસ્થળે જ કમકમાટીભર્યું મોત નીપજ્યું છે, જ્યારે અન્ય ત્રણ વ્યક્તિઓને ગંભીર ઈજાઓ પહોંચતા સારવાર અર્થે હોસ્પિટલ ખસેડવામાં આવ્યા છે.
કાર ચાલકે બે બાઈકને લીધી અડફેટે
પ્રાપ્ત માહિતી અનુસાર, મોડી રાત્રે સુરેન્દ્રનગર-ધ્રાંગધ્રા રોડ પરથી પસાર થઈ રહેલા કાર ચાલકે સ્ટેયરિંગ પરથી કાબૂ ગુમાવ્યો હતો અથવા પુરઝડપે કાર હંકારી બે અલગ-અલગ બાઈકને જોરદાર ટક્કર મારી હતી. અકસ્માત એટલો ભયાનક હતો કે બાઈક સવાર એક યુવકનું ઘટનાસ્થળે જ મોત નીપજ્યું હતું. જ્યારે બાઈક પર સવાર અન્ય ત્રણ મુસાફરો લોહીલુહાણ હાલતમાં માર્ગ પર પટકાયા હતા.
