મધ્ય ગુજરાતની રાજકીય દ્રષ્ટિએ અત્યંત મહત્વની એવી ઉમરેઠ વિધાનસભા બેઠક માટે આવતીકાલે પેટાચૂંટણીનું મતદાન યોજાવા જઈ રહ્યું છે. ચૂંટણી તંત્ર દ્વારા તમામ તૈયારીઓને આખરી ઓપ આપી દેવામાં આવ્યો છે. સવારના 7:00 વાગ્યાથી સાંજના 6:00 વાગ્યા સુધી મતદારો પોતાના મતાધિકારનો ઉપયોગ કરી શકશે.
મતદારો અને ઉમેદવારોની વિગત
ઉમરેઠ વિધાનસભા બેઠક પર આ વખતે કુલ 2,45,623 મતદારો નોંધાયેલા છે, જેઓ 6 જેટલા ઉમેદવારોના રાજકીય ભાવિનો ફેંસલો કરશે. ખાસ કરીને આ ચૂંટણીમાં યુવા મતદારોનો ઉત્સાહ જોવા મળી રહ્યો છે, જેમાં 4,174 મતદારો પ્રથમ વખત પોતાના મતાધિકારનો ઉપયોગ કરી લોકશાહીના પર્વમાં જોડાશે. આ ઉપરાંત, 1,644 જેટલા સિનિયર સિટીઝન મતદારો પણ ઉત્સાહભેર મતદાન કરે તેવી અપેક્ષા છે.