ગુજરાતમાં સ્થાનિક સ્વરાજની ચૂંટણીઓનો જંગ જામ્યો છે, ત્યારે શાંતિપૂર્ણ અને નિષ્પક્ષ મતદાન સુનિશ્ચિત કરવા માટે રાજ્ય પોલીસ વડાએ સુરક્ષા વ્યવસ્થાનો સંપૂર્ણ રોડમેપ જાહેર કર્યો છે. રાજ્યમાં કુલ 29 હજાર જેટલા બિલ્ડિંગોમાં મતદાનની પ્રક્રિયા હાથ ધરવામાં આવશે.
સુરક્ષાનો મજબૂત બંદોબસ્ત
ચૂંટણી દરમિયાન કોઈ પણ અપ્રિય ઘટના ન બને તે માટે રાજ્યભરમાં 60 હજારથી વધુ પોલીસ જવાનોનો ચુસ્ત બંદોબસ્ત ગોઠવવામાં આવ્યો છે. આ મહાકુંભમાં પોલીસ દળની સાથે હોમગાર્ડ અને GRD (ગ્રામ રક્ષક દળ) ના જવાનો પણ ખભેખભા મિલાવીને સુરક્ષાની જવાબદારી સંભાળશે.
