વડોદરામાં આર્થિક ગુનાખોરીનો એક મોટો કિસ્સો પ્રકાશમાં આવ્યો છે. શહેરની એક જાણીતી મસાલા મિલમાં કામ કરતા કર્મચારીએ માલિકનો વિશ્વાસ કેળવીને ₹14 કરોડ જેટલી માતબર રકમની ઉચાપત કરી હોવાની ઘટના સામે આવી છે. વડોદરા ક્રાઈમ બ્રાન્ચે આ મામલે ત્વરિત કાર્યવાહી કરી મુખ્ય આરોપી રાકેશ પરમારની ધરપકડ કરી છે.
કર્મચારીએ 14 કરોડ જેટલી ઉચાપત કરી
આરોપી રાકેશ પરમાર આ મસાલા મિલમાં લાંબા સમયથી કામ કરતો હતો. તેણે કંપનીના હિસાબોમાં છેડછાડ કરીને અને ખોટા બિલો બનાવીને લાખો-કરોડો રૂપિયા પોતાની પાસે રાખવાનું શરૂ કર્યું હતું. ધીમે-ધીમે આ રકમ વધીને ₹14 કરોડ સુધી પહોંચી ગઈ હતી. જ્યારે મિલ માલિકને હિસાબમાં ગરબડ જણાઈ અને ઓડિટ કરવામાં આવ્યું ત્યારે આ આખું કૌભાંડ બહાર આવ્યું હતું.