વડોદરા શહેરના જાંબુઆ બ્રિજ પાસે આજે એક અજાણ્યા પુરુષનો મૃતદેહ મળી આવતા સમગ્ર વિસ્તારમાં ચકચાર મચી ગઈ છે. ઘટનાની જાણ થતા જ સ્થાનિક પોલીસ કાફલો ઘટનાસ્થળે દોડી ગયો હતો અને મૃતદેહનો કબજો મેળવી તપાસના ચક્રો ગતિમાન કર્યા છે.
જાંબુઆ બ્રિજ પાસે મૃતદેહ મળ્યો
જાંબુઆ બ્રિજ પાસેથી પસાર થતા રાહદારીઓને રોડની સાઈડમાં એક પુરુષનો મૃતદેહ દેખાયો હતો. આ અંગે તુરંત પોલીસને જાણ કરવામાં આવતા ઉચ્ચ અધિકારીઓ સહિતની ટીમ સ્થળ પર પહોંચી હતી. પોલીસને તપાસ દરમિયાન મૃતદેહ પાસેથી એક બેગ અને હેલ્મેટ મળી આવ્યા છે, જે સૂચવે છે કે વ્યક્તિ વાહન ચાલક હોઈ શકે છે.
