વડોદરા શહેરમાં ગુનેગારોને પોલીસ કે કાયદાનો કોઈ ડર રહ્યો ન હોય તેવું લાગી રહ્યું છે. શહેરના વ્યસ્ત ગણાતા સોમા તળાવ વિસ્તારમાં ગઈકાલે જાહેર માર્ગ પર બે જૂથો વચ્ચે લોહિયાળ અથડામણ થતા સમગ્ર વિસ્તારમાં અફરાતફરીનો માહોલ સર્જાયો હતો. આ ઘટનાનો વીડિયો સોશિયલ મીડિયામાં વાયરલ થતા પોલીસની કામગીરી સામે પણ સવાલો ઉઠી રહ્યા છે.
જાહેર માર્ગ પર છૂટા હાથે મારામારી
મળતી માહિતી મુજબ, સોમા તળાવ પાસે કોઈ જૂની અદાવત અથવા તાત્કાલિક બોલાચાલીને પગલે બે જૂથો આમને-સામને આવી ગયા હતા. મામલો એટલો બિચક્યો હતો કે બંને પક્ષોએ લાકડીઓ, ડાંગ અને અન્ય હથિયારો વડે એકબીજા પર હુમલો કરવાનું શરૂ કરી દીધું હતું. રસ્તાની વચ્ચે જ ચાલી રહેલી આ મારામારીમાં અનેક લોકોને ઈજાઓ પહોંચી હોવાના અહેવાલ છે.
