વાઘોડિયા GIDC વિસ્તારમાં આવેલ પ્રસિદ્ધ અંબે માના મંદિરમાં ગત મધ્યરાત્રીએ તસ્કર ગેંગ ત્રાટકી હતી. ચોરોએ માતાજીના કિંમતી શણગાર અને આભૂષણોની ચોરી કરી નાસી છૂટવામાં સફળ રહ્યા છે. આ ઘટનાની જાણ થતા જ વાઘોડિયા પોલીસનો કાફલો ઘટના સ્થળે પહોંચી ગયો છે અને સીસીટીવી ફૂટેજ તેમજ અન્ય પુરાવાઓના આધારે વધુ તપાસ હાથ ધરી છે.
વાઘોડિયા GIDC વિસ્તારમાં મંદિરમાં ચોરી
પ્રાપ્ત માહિતી અનુસાર, વાઘોડિયા જીઆઈડીસીમાં શ્રમિકો અને સ્થાનિકોની આસ્થાનું કેન્દ્ર એવા અંબે માતાના મંદિરમાં ગત રાત્રે ચોર ટોળકી ઘૂસી હતી. અંધારાનો લાભ લઈ તસ્કરોએ માતાજીની મૂર્તિ પર ચઢાવેલ સોના-ચાંદીના આભૂષણો અને અન્ય શણગારની ચોરી કરી હતી. સવારે જ્યારે ચોરીની જાણ થઈ ત્યારે સ્થાનિકોમાં ભારે રોષ જોવા મળ્યો હતો.