વડોદરા શહેરના મકરપુરા વિસ્તારમાં પોલીસ દ્વારા દારૂના ધંધા સામે નોંધપાત્ર કાર્યવાહી કરવામાં આવી છે. મકરપુરા પોલીસે પોતાની ફરજ બજાવતા જીવને જોખમમાં મૂકી દારૂ ભરેલી ગાડી ઝડપી પાડી છે. સમગ્ર ઘટનાનો વીડિયો હાલ સોશિયલ મીડિયામાં વાયરલ થયો છે.
બુટલેગરે પોલીસકર્મીઓ પર ગાડી ચડાવવાનો પ્રયાસ કર્યો
મળતી માહિતી મુજબ, બુટલેગર દારૂની ખેપ લઈ જઈ રહ્યો હતો ત્યારે પોલીસે તેને રોકવાનો પ્રયાસ કર્યો. આ દરમિયાન બુટલેગરે પોલીસકર્મીઓ પર ગાડી ચડાવવાનો પ્રયાસ કર્યો હતો. જોકે, પોલીસકર્મીઓએ હિંમત અને ચપળતા દાખવી ગાડી અટકાવી અને બુટલેગરને ઝડપી લીધો.
