વડોદરાના અટલાદરામાં આવેલું છે ઓનલાઇન ડિલિવરીનું સેન્ટર અને તેને લઈ ઘણા લાંબા સમયથી સ્થાનિકો અને ડિલિવરી બોય વચ્ચે માથાકૂટ ચાલી રહી છે, ત્યારે અચાનક બોલાચાલીમાંથી બબાલ મારામારી સુધી પહોંચી હતી અને તેને લઈ મામલો બિચકયો હતો, આ સમગ્ર ઘટનામાં હજી પોલીસ ફરિયાદ નોંધાઈ નથી.
અટલાદરામાં ઓનલાઈન ડિલિવરી સેન્ટર સામે રોષ
વડોદરાના અટલાદરા વિસ્તારમાં ઓનલાઈન ડિલિવરી સેન્ટર આવેલું છે અને ત્યાં આગળ રોજના હજારો ડિલિવરી હોય સમગ્ર વડોદરામાં ડિલિવરી વસ્તુની કરતા હોય છે અને તેની આસપાસ સોસાયટીઓ પણ આવેલી છે, ત્યારે સોસાયટી પાસેથી ગોડાઉન ખાલી કરવાને લઈ સ્થાનિકો અને ડિલિવરી બોય વચ્ચે માથાકૂટ ચાલી રહી છે અને ડિલિવરી બોયનું કહેવું છે કે, ગોડાઉન ખાલી કરવું તે તો કંપનીના હાથમાં છે તેમાં અમારે કોઈ લેવા દેવા નથી.