મોંઘા ખાનગી ટ્યુશનના વિકલ્પ તરીકે આ પ્લેટફોર્મ જરૂરિયાતમંદ વિદ્યાર્થીઓ માટે 'પર્સનલ ટ્યુટર'ની ભૂમિકા ભજવશે. આર્થિક ભેદભાવ મિટાવતા આ ડિજિટલ ઇનોવેશનને ગુજરાત સરકારના સ્ટાર્ટઅપ સેલે ₹2 લાખની સહાય આપી પ્રોત્સાહિત કર્યું છે.
વિદ્યાર્થીની નબળાઈઓને પારખી પોતાની શિક્ષણ પદ્ધતિમાં આપમેળે ફેરફાર કરે
પાર્થ ગોપાણીનું 'મેરી શિક્ષા' પોર્ટલ આર્ટિફિશિયલ ઇન્ટેલિજન્સના માધ્યમથી દરેક વિદ્યાર્થીને તેની ક્ષમતા મુજબ વ્યક્તિગત માર્ગદર્શન પૂરું પાડે છે. આ સંપૂર્ણ નિઃશુલ્ક પ્લેટફોર્મ વિદ્યાર્થીઓની મૂંઝવણ દૂર કરી, તેમને અત્યંત સરળ રીતે અભ્યાસ કરવામાં મદદરૂપ બને છે. આ 'એડેપ્ટિવ સિસ્ટમ' વિદ્યાર્થીની નબળાઈઓને પારખી પોતાની શિક્ષણ પદ્ધતિમાં આપમેળે ફેરફાર કરે છે.
