વડોદરા શહેરમાં લુખ્ખા તત્ત્વોનો આતંક સતત વધી રહ્યો હોય તેમ જણાઈ રહ્યું છે. આવામાં માથાભારે તત્ત્વો દ્વારા વીજ કર્મીઓને માર મારવામાં હોવાની ઘટના પાણીગેટ વિસ્તારમાંથી સામે આવી છે. જ્યાં લાઈટ બિલ ન ભરવાને કારણે વીજ કંપનીના કર્મચારીઓ વીજ કનેક્શન કાપવા માટે પહોંચ્યા હતા. આ દરમિયાન વીજ ગ્રાહકો દ્વારા વીજ કંપનીના કર્મચારીઓને માર મારીને જાનથી મારી નાંખવાની ધમકી આપવામાં આવી હતી.
વીજ કંપનીના કર્મચારીઓને માર મારવામાં આવ્યો
ઘટનાની મળતી વિગતો અનુસાર, વડોદરા શહેરમાં આવેલા પાણીગેટ વિસ્તારમાં વીજ કંપનીના કર્મચારીઓ લાઈટ બિલ ન ભરતા હોય તેવા ગ્રાહકો સામે કડક કાર્યવાહીના ભાગ રૂપે કનેક્શન કાપવા પહોંચ્યા હતા. આ દરમિયાન વીજ ગ્રાહકો દ્વારા વીજ કંપનીના કર્મચારી પર હુમલો કરવામાં આવ્યો હતો. જેમાં ગ્રાહકો પટ્ટા અને ગડદા પાટું દ્વારા વીજ કંપનીના કર્મચારીઓને માર મારવામાં આવ્યો હતો. આ ઘટનાનો વિડિયો પણ વાયરલ થયે છે. આ અંગે વીજ કંપનીના કર્મચારીઓ દ્વારા પાણીગેટ પોલીસ મથક ખાતે ફરિયાદ નોંધાવવામાં આવી છે.