Vadodara : પોલીસે ઓપરેશન પરાક્રમ હેઠળ 6 મહિનાથી વોન્ટેડ આરોપીને ઝડપી પાડ્યો

વડોદરા જિલ્લાના પેરોલ ફર્લો પોલીસે ઓપરેશન પરાક્રમ હેઠળ નાસતા ફરતા આરોપીને ઝડપી પાડ્યો હતો અને તેને વરણામા પોલીસને વધુ તપાસ માટે સોંપ્યો હતો.

વડોદરા જિલ્લા પોલીસનું ઓપરેશન પરાક્રમ

વડોદરા જિલ્લા પોલીસ હાલ ઓપરેશન પરાક્રમ હેઠળ પ્રોહિબીશન, અપહરણ, ચોરી, લૂંટ તથા ધાડ અને છેતરપિંડી અને વિશ્વાસઘાત તથા લેન્ડ ગ્રેબીંગ જેવા ગુનાઓમાં સંડોવાયેલા અને નાસતા ફરી રહેલા આરોપીઓને શોધવાની ઝુંબેશ ચલાવી રહી છે જેના ભાગ રુપે પોલીસ વિવિધ સ્થળો પરથી નામચીન અપરાધીઓને શોધી રહી છે

 પ્રોહિબીશન એક્ટના ગુનામાં ફરાર આરોપીને ઝડપી પાડ્યો

દરમિયાન વડોદરા જિલ્લા પેરોલ ફર્લો સ્ક્વોર્ડે બાતમીના આધારે વરણામા પોલીસ સ્ટેશનમાં નોંધાયેલા પ્રોહિબીશન એક્ટના ગુનામાં ફરાર રહેલા આરોપી દેવીલાલ હમેરાલાલ જાટ (રહે, રાજસ્થાન)દુમાડ ચોકડી બ્રિજ નીચેથી ઝડપી પાડ્યો હતો. તેને વધુ તપાસ માટે વરણામા પોલીસને સોંપાયો હતો.

તેણે અન્ય આરોપીને બિયરનો જથ્થો ભરી આપ્યો હતો

આરોપીએ 4 લાખ ઉપરાંતના બિયરના જથ્થાને અન્ય આરોપીઓને ભરી આપ્યો હતો અને આ દારુનો જથ્થો પોલીસે જપ્ત કર્યો હતો. ગુનો નોંધાયા બાદ છ મહિનાથી તે ફરાર હતો. પોલીસે તેને ઝડપી પાડી વધુ તપાસ શરુ કરી છે. 

આ પણ વાંચો--- Vadodara : પરિણીતાના આત્મહત્યા કેસમાં મૃતદેહનું પેનલ પીએમ કરાવાયું, પોલીસની ઉંડી તપાસ શરુ