વડોદરાના શિનોરમાં એક યુવક કેનાલમાં ગુમ થયો હોવાનો બનાવ સામે આવ્યો છે. મોટા કરાળા નજીક નર્મદા કેનાલમાં આ ઘટના બની હોવાનું જાણવા મળ્યું છે. ગુમ થયેલો યુવક પોતાના નાનાના ઘરે હોળી ઉજવવા આવ્યો હતો. ઘરેથી નીકળ્યા બાદ પરત નહીં ફરતા શોધખોળ શરૂ કરાઈ હતી. કેનાલ પાસેથી કપડા અને ફોન મળ્યા હતાં. શિનોર પોલીસે વધુ તપાસ હાથ ધરી છે.
યુવક ઘરેથી નીકળ્યા બાદ ગુમ થયો હતો
વડોદરાના શિનોરમાં પોતાના નાનાના ધરે હોળી ઉજવવા માટે આવેલો યુવક ઘરેથી નીકળ્યા બાદ ગુમ થયો હતો. તે મોટા કરાળા નજીક રહેલી નર્મદા કેનાલમાં ગુમ થયો હોવાનું જાણવા મળ્યું છે. કેનાલ પાસેથી તેના કપડાં અને ફોન મળી આવ્યા છે. વાઘોડીયા રોડ વડોદરા ખાતે રહેતો હર્ષિલ મહેશ વસાવા હોળી ઉજવવા પોતાના નાનાના ઘરે મોટા કરાળા ગામે આવ્યો હતો.
