વલસાડ જિલ્લાના પારડીમાં એક હૃદયદ્રાવક ઘટના સામે આવી છે, જેમાં 11 વર્ષના એક માસૂમ બાળકનું તળાવમાં ડૂબી જવાથી મોત નિપજ્યું છે. આ ઘટનાને પગલે સમગ્ર પંથકમાં અરેરાટી વ્યાપી ગઈ છે અને બાળકના મોત પાછળના કારણોને લઈને અનેક શંકા-કુશંકાઓ સેવાઈ રહી છે.
પારડીમાં બાળકનું ડૂબી જવાથી મોત
પ્રાપ્ત વિગતો અનુસાર, બાળક સવારે રાબેતા મુજબ શાળાએ જવા માટે ઘરેથી નીકળ્યો હતો. જોકે, સાંજ સુધી તે ઘરે પરત ન ફરતા પરિવારજનો ચિંતાતુર બન્યા હતા અને તેની શોધખોળ શરૂ કરી હતી.પરિવારજનોને શોધખોળ દરમિયાન પારડી તળાવના કિનારેથી બાળકની સ્કૂલ બેગ અને ચપ્પલ મળી આવ્યા હતા.
