સંઘપ્રદેશ દમણના દલવાડા ગામમાં આજે એક ભંગારના ગોડાઉનમાં અચાનક ભીષણ આગ ફાટી નીકળતા સમગ્ર વિસ્તારમાં અફરાતફરી અને ભયનો માહોલ સર્જાયો હતો. ગોડાઉનમાં મોટા પ્રમાણમાં જ્વલનશીલ પદાર્થો હોવાને કારણે આગે જોતજોતામાં વિકરાળ સ્વરૂપ ધારણ કરી લીધું હતું.
ભંગારના ગોડાઉનમાં ભીષણ આગ
મળતી માહિતી મુજબ, દલવાડા ગામે આવેલા એક ભંગારના ગોડાઉનમાં અચાનક આગ લાગી હતી. આ ગોડાઉનમાં પ્લાસ્ટિકનો ભંગાર અને કેમિકલયુક્ત પદાર્થોનો મોટો જથ્થો હોવાથી આગ વધુ તીવ્ર બની હતી. આગ એટલી ભીષણ હતી કે તેના કાળા ધુમાડાના ગોટેગોટા દૂર-દૂર સુધી જોવા મળ્યા હતા. આગને પગલે આસપાસના રહીશોમાં પણ જીવ બચાવવા દોડધામ મચી ગઈ હતી.
