ધરમપુર તાલુકામાં બનેલી આ ઘટનાની ગંભીરતાને ધ્યાને લેતા વલસાડ-ડાંગના સાંસદ ધવલ પટેલ, ધરમપુરના ધારાસભ્ય અને પ્રદેશ ભાજપ ઉપાધ્યક્ષ અરવિંદભાઈ પટેલ, તથા જિલ્લા પ્રમુખ હેમંતભાઈ સહિતના અગ્રણીઓ તાત્કાલિક એક્શનમાં આવ્યા છે. આ તમામ નેતાઓએ જિલ્લા પોલીસ વડા (SP) સાથે સીધું સંકલન સાધીને સગીરાને સત્વરે શોધી કાઢવા અને ગુનેગાર સામે દાખલારૂપ પગલાં લેવા માટે દબાણ કર્યું છે.
'લવ જેહાદ' ના આક્ષેપ સાથે આકરી ટીકા
સાંસદ ધવલ પટેલ અને ધારાસભ્ય અરવિંદભાઈ પટેલે આ ઘટનાને સખત શબ્દોમાં વખોડી કાઢી છે. તેમણે સ્પષ્ટપણે જણાવ્યું હતું કે, કોઈપણ સમાજની દીકરીને લલચાવી-ફોસલાવીને કરવામાં આવતું આવું કૃત્ય ક્યારેય સહન કરવામાં નહીં આવે. આદિવાસી યુવતીઓને નિશાન બનાવતા આવા તત્વો સામે કાયદાકીય સકંજો કસવા અને સમાજમાં દાખલો બેસે તેવી કડક સજા અપાવવાની માંગ તેમણે કરી છે.
