વલસાડમાં 2 કન્ટેનર વચ્ચે અકસ્માતમાં એકનું મોત થયું છે, ધરમપુરના બામટી ગામે આ ઘટના બની હોવાની વાત સામે આવી છે, ઘટનાની જાણ થતાની સાથે પોલીસનો કાફલો સ્થળ પર પહોંચ્યો હતો અને ટ્રાફિક દૂર કર્યો હતો, આ સમગ્ર ઘટનામાં કન્ટેનરમાં ફસાયેલ 2 લોકોના રેસ્કયું પણ કરવામાં આવ્યા હતા.
વલસાડ જિલ્લાના ધરમપુરના બામટી ગામે અકસ્માતની ઘટના
વલસાડના ધરમપુર - ખેરગામ રોડ પર વનરાજ કોલેજ સામે સર્જાયો ગમખ્વાર અકસ્માત જેમાં 2 કન્ટેનર વચ્ચે અકસ્માત થતા એક વ્યકિતનું મોત થયું છે, મળતી માહિતી પ્રમાણે બે કન્ટેનર સામસામે ધડાકાભેર અથડાયા હતા અને અન્ય એક ચાલક ફસાઈ જતા ગામ લોકો અને પોલીસ દ્વારા રેસ્કયું કરવામાં આવ્યું છે, ઈજાગ્રસ્તોને સારવાર માટે હોસ્પિટલ ખસેડવામાં આવ્યા છે.
