વલસાડ સિટી પોલીસે મહિલા વ્યાજખોર સામે કાર્યવાહી કરી તેની ધરપકડ કરી છે. આરોપી વ્યાજખોર મહિલા નીલમે 27,000ની લોન સામે રૂ. 91,000 વસૂલ્યા હોવા છતાં પીડિતાને વધુ રૂપિયા માટે ધમકી આપ્યાનો આરોપ છે.
પીડિતાએ પોલીસમાં ફરિયાદ કરી
આ મામલે પીડિતા ભાવિનીબેન ગણેશભાઈ પટેલ, જે GRD સભ્ય છે, તેમણે વલસાડ સિટી પોલીસ મથકે ફરિયાદ નોંધાવી હતી. ફરિયાદ મુજબ, જરૂરિયાત હોવાને કારણે તેમણે આરોપી નીલમ પાસેથી રૂ. 27,000 વ્યાજે લીધા હતા. આરોપીએ અગાઉથી જ રૂ. 50,000નો સિક્યુરિટી ચેક પણ લખાવી લીધો હતો.