ગુજરાત-મહારાષ્ટ્ર સરહદે આવેલા ચારોટી ફ્લાયઓવર પર મોડી રાત્રે એક કાળજું કંપાવી દેનારો અકસ્માત સર્જાયો છે. મહારાષ્ટ્ર તરફથી ગુજરાતના વાપી તરફ આવી રહેલી ચાંદી ભરેલી એક લક્ઝરી કાર નિયંત્રણ ગુમાવતા પલટી મારી ગઈ હતી. આ અકસ્માત એટલો ભયાનક હતો કે કારમાં સવાર બે વ્યક્તિઓના ઘટનાસ્થળે જ કમકમાટીભર્યા મોત નીપજ્યા હતા.
17કરોડની ચાંદી રસ્તા પર અને પોલીસ એક્શન
મળતી વિગતો અનુસાર, આ ગાડીમાં આશરે ૬૦૦ કિલો ચાંદીની ઈંટો ભરેલી હતી. અકસ્માત થતાં જ કારના ફુરચેફુરચા ઉડી ગયા હતા અને કરોડો રૂપિયાની ચાંદીની ઈંટો હાઈવે પર રસ્તા પર વેરાઈ ગઈ હતી. ઘટનાની જાણ થતાં જ સ્થાનીક પોલીસ કાફલો ઘટનાસ્થળે દોડી આવ્યો હતો. કિંમતી મુદ્દામાલની ચોરી ન થાય તે માટે પોલીસે તુરંત જ હાઈવે બ્લોક કરી લોખંડી બંદોબસ્ત ગોઠવ્યો હતો અને આંતરરાષ્ટ્રીય બજાર કિંમત મુજબ રૂપિયા ૧૭ કરોડથી વધુની કિંમતનું ચાંદી સુરક્ષિત રીતે કબજે લીધું હતું.