દમણમાં એક ખાનગી કંપનીમાં ભીષણ આગ લાગવાની ઘટના સામે આવી છે, જે કારણે અફરાતફરીનો માહોલ સર્જાયો હતો. આ આગ એટલી વિકરાળ છે કે, દમણ ફાયર વિભાગની 8 ટીમો ઘટના સ્થળે છે. આ આગ આસપાસની કંપનીમાં પ્રસરતાવાને કારણે ભયનો માહોલ જોવા મળી રહ્યો છે. દમણ સાથે સાથે વાપી ફાયર વિભાગની ટીમ પણ ઘટના સ્થળે પહોંચી છે.
બાજુમાં આવેલી કંપની સુધી પ્રસરી આગ
ઘટનાની મળતી માહિતી અનુસાર, દમણમાં આવેલી એસ.પેકેજિંગ નામની કંપનીમાં ભીષણ આગ લાગી છે. આ આગ બાજુમાં આવેલી કંપની સુધી પ્રસરી છે. આગની ઘટનાની જાણ થતા દમણ ફાયર વિભાગની 8 ટીમો ઘટના સ્થળે પહોંચી છે. હાલ આ આગ પર કાબૂ મેળવવાના પ્રયાસો કરવામાં આવી રહ્યા છે.