ગુજરાતમાં માવઠાની અસર ઓછી થઈ ગઈ છે.ઓક્ટોબર મહિનામાં વરસાદે ચાર વર્ષનો રેકોર્ડ તોડ્યો છે. હવામાન વિભાગ દ્વારા આજે હળવા વરસાદની આગાહી કરવામાં આવી છે. રાજ્યમાં આજે હળવો વરસાદ થવાની શક્યતાઓ છે. દક્ષિણ ગુજરાત અને સૌરાષ્ટ્રમાં હળવો વરસાદ થવાની સંભાવનાઓ છે. આ ઉપરાંત અમદાવાદમાં પણ વરસાદની શક્યતાઓ છે.
રાજ્યમાં આજે હળવો વરસાદ થઈ શકે છે
હવામાન વિભાગની આગાહી પ્રમાણે રાજ્યમાં આજે હળવો વરસાદ થઈ શકે છે. સૌરાષ્ટ્ર, દક્ષિણ ગુજરાત અને અમદાવાદમાં હળવો વરસાદ થવાની સંભાવનાઓ છે. અમદાવાદનું મહત્તમ તાપમાન 32 અને લઘુતમ તાપમાન 22 ડિગ્રી રહી શકે છે.રાજ્યમાં ગઈકાલે 19 મી.મી વરસાદ નોંધાયો હતો. આગામી દિવસોમાં તાપમાનમાં બેથી ચાર ડિગ્રીનો વધારો થશે. ગુજરાત પરથી ખરાબ હવામાનની અસર ટળી ગઈ છે.જેના કારણે માછીમારોને દરિયો ખેડવાની મંજૂરી આપવામાં આવી છે. રાજ્ય સરકાર માછીમારોને દરિયો ખેડવા માટે ટોકન ઈશ્યુ કરશે. સરકાર સાવચેતીના પગલાં લીધા બાદ માછીમારોને દરિયો ખેડવા ટોકન ઈશ્યુ કરશે.
