ગુજરાતમાં આગામી સાત દિવસ વરસાદની આગાહી કરવામાં આવી છે. હવામાન વિભાગ દ્વારા કરવામાં આવેલી આગાહી પ્રમાણે અપર એર સર્ક્યુલેશન અને મોન્સૂન ટ્રફ સહિત લો પ્રેસર સક્રિય થવાથી 4 અને 5 સપ્ટેમ્બરે રાજયમાં વરસાદનું જોર વધશે. હવામાન વિભાગે 3 સપ્ટેમ્બરથી ભારે વરસાદ સાથે ઓરેન્જ એલર્ટ જાહેર કર્યુ છે. દક્ષિણ ગુજરાતના માછીમારોને દરિયો ન ખેડવા સૂચના આપવામાં આવી છે.
24 કલાકમાં બંગાળની ખાડીમાં એક લો પ્રેસર સક્રિય થશે
હવામાન વિભાગ દ્વારા કરવામાં આવેલી આગાહી પ્રમાણે 24 કલાકમાં બંગાળની ખાડીમાં એક લો પ્રેસર સક્રિય થશે. અપર એર સર્ક્યુલેશન અને મોન્સૂન ટ્રફ સહિત લો પ્રેસર સક્રિય થવાથી 4 અને 5 સપ્ટેમ્બરે રાજયમાં વરસાદનું જોર વધશે.સપ્ટેમ્બરમાં સામાન્ય કરતાં વધુ વરસાદની શક્યતાઓ છે. સાબરકાંઠા, અરવલ્લી, મહીસાગર, પંચમહાલ, દાહોદ, છોટાઉદેપુર, નવસારી, વલસાડ અને દાદરા નગર હવેલીમાં હળવા વરસાદની આગાહી કરવામાં આવી છે.
