Aravalli rain: ભિલોડાની મેશ્વો નદીમાં ઘોડાપુર આવ્યું, નદી કાંઠાના 30 ગામોને એલર્ટ કરાયા

અરવલ્લીમાં ભારે વરસાદથી નદીઓ વહેતી થઇ છે. ભિલોડાની મેશ્વો નદી પ્રથમ વખત વહેતી થઇ છે. ભિલોડા-મોડાસાના ગામોને એલર્ટ કરાયા છે. નદીકાંઠાના 30 ગામોને એલર્ટ કરવામાં આવ્યા છે. નદી કિનારે લોકોને ન જવા માટે તંત્ર દ્વારા અપીલ કરવામાં આવી છે. અરવલ્લી જિલ્લામાં મેઘરાજાની તોફાની બેટિંગ સામે આવી છે, મોડાસા શહેરમાં 6 ઇંચ વરસાદથી જળબંબાકારની સ્થિતિનું સર્જન થયું છે.

મેશ્વો નદીમાં ઘોડાપુર આવ્યું 

ભિલોડા તેમજ ઉપરવાસમાં વરસાદના કારણે મેશ્વો નદી બે કાંઠે વહી છે. સીઝનમાં પ્રથમ વખત નદીમાં ઘોડાપુર આવ્યું છે. ભિલોડા - મોડાસા તાલુકાના 30 જેટલાં નદી કાંઠાના ગામોને એલર્ટ કરાયા છે. તંત્ર દ્વારા લોકોને નદી કિનારે ન જવા સૂચના આપવામાં આવી છે. સીઝનમાં પ્રથમ વખત નદી વહેતા ખેડૂતોમાં ખુશી છવાઈ છે.

 30 જેટલાં નદી કાંઠાના ગામોને એલર્ટ 

અરવલ્લીના મોડાસામાં ભારે વરસાદ વરસ્યો છે, વરસાદ બાદ સોસાયટીઓમાંથી ઓસર્યા પાણી અને રાત્રીના સમયે સોસાયટીમાં પાણી ભરાતા લોકોને હાલાકી પડી રહી છે, લોકોના ઘરમાં પાણી ભરાવાની સમસ્યા ઉભી થઈ છે, રાત્રે 6 કલાકમાં 6 ઇંચ વરસાદ વરસ્યો છે, તો મોડાસામાં જળબંબાકાર જેવી સ્થિતિનું સર્જન થયું છે.