Banaskantha: કાંકરેજના સુદ્રોસણમાં પશુ ચરાવતી વખતે યુવક પર વીજળી પડતા મોત

રાજ્યમાં વરસેલા વરસાદે તારાજી સર્જી છે. રહેણાંક વિસ્તાર અને બજારોમાં પાણી ભરાયા છે. બનાસકાંઠામાં વીજળી પડતા યુવકનું મોત થયું છે. કાંકરેજના સુદ્રોસણ ગામે પશુ ચરાવતી વખતે યુવક પર વીજળી પડતા મોત થયું છે. આ ઘટનાની મામલતદાર તેમજ તલાટીને જાણ કરવામાં આવી હતી. હાલ મૃતદેહને થરાની સરકારી હોસ્પિટલમાં પીએમ અર્થે ખસેડવામાં આવ્યો છે.

પાટણમાં વીજળી પડતા યુવકનું મોત

પાટણમાં વીજળી પડતા યુવકનું મોત થયું છે. મંડાત્રી ગામે વીજળી પડતા યુવકનું મોત થયું છે. વીજળી પડતા યુવકનું ઘટનાસ્થળે મોત થયું છે. મૃતક યુવકના મૃતદેહને પીએમ અર્થ હોસ્પિટલ ખસેડાયો છે.

મોટા ભાગના પંથકો પાણીમાં ગરકાવ 

રાજ્યમાં મેઘરાજા મન મુકીને વરસી રહ્યા છે. તોફાની બેટિંગના કારણે મોટા ભાગના પંથકો પાણીમાં ગરકાવ થયા છે. વરસાદી પાણી ભરાતા સ્થાનિકો પરેશાન છે. અને હાલાકી ભોગવી રહ્યા છે. અતિ ભારે વરસાદના કારણે નદીઓ, જળાશયો અને ડેમમાં નવા નીરની આવક થઇ છે. નદીઓ બન્ને કાંઠે વહેતી થઇ છે. અને રસ્તાઓ પર નદીઓ જેવું વહેણ દેખાઇ રહ્યુ છે. વાહન ચાલકો પરેશાન છે. પાણી અને ખાડામાં વાહનો ફસાઇ રહ્યા છે. તેમ છતા તંત્રના પેટનું પાણી હલતુ નથી. અને તેઓ રહીશોની મદદ કરવા માટે તત્પરતા બતાવી નથી રહ્યા.