Banaskantha: ઉપરવાસમાં વરસાદથી બનાસ નદી બે કાંઠે વહી, દાંતીવાડા ડેમ 59% ભરાયો

બનાસકાંઠામાં બનાસ નદીમાં પાણીની આવક જોવા મળી રહી છે. ઉપરવાસમાં વરસાદથી બનાસ નદી બે કાંઠે વહી રહી છે. સિઝનમાં ત્રીજી વાર બનાસ નદી બે કાંઠે થઈ છે. અમીરગઢ સહિત બનાસકાંઠાના લોકોમાં ખુશી જોવા મળી છે. દાંતીવાડા ડેમ 59.10 ટકા ભરાયો છે. દાંતીવાડા ડેમમાં પાણીની આવક 22267 ક્યુસેક થઈ રહી છે.

બનાસ નદી બે કાંઠે વહી રહી 

બનાસકાંઠાની જીવાદોરી સમાન ગણાતી બનાસ નદી ભાદરવા મહિનામાં બંને કાંઠે વહેતી થઇ છે. ઉપરવાસમાં પડેલ ભારે વરસાદના લીધે અમીરગઢની બનાસ નદીના નીરમાં વધારો થયો છે. ત્રીજી વાર બનાસ નદીમાં બંને કાંઠે વહેતા અમીરગઢ સહિત બનાસકાંઠાના લોકોમાં ખુશી જોવા મળી છે. બનાસ નદીમાં પાણી વધતા દાંતીવાડા ડેમમાં પાણીની આવકમાં વધારો થયો છે.

 દાંતીવાડા ડેમ ટોટલ 59.10% ભરાયો

દાંતીવાડા ડેમમાં પાણીની આવક 22267 ક્યુસેક છે. દાંતીવાડા ડેમ ટોટલ ભરાવ 59.10% ભરાયો છે. ગુજરાતમાં પડી રહેલા ભારે વરસાદના પગલે નદી નાળાઓ છલકાય રહ્યા છે. ભારે વરસાદના પગલે ડામમાંથી પાણી છોડવામાં આવી રહ્યું છે. નદી કાંઠાના વિસ્તારોને એલર્ટ કરવામાં આવ્યા છે. ભારે વરસાદથી જન જીવનને ભારે અસર પહોંચી છે.