Vadodara: ડેસરના ઇંટવાડ ગામમાં જળબંબાકારની સ્થિતિ, ભારે વરસાદના કારણે ખેતરો જળમગ્ન બન્યા

વડોદરાના ડેસરનું ઇંટવાડ ગામે જળબંબાકારની સ્થિતિ જોવા મળી છે. ઇંટવાડ ગામમાં જ્યા જુઓ ત્યાં પાણી જ પાણી જોવા મળી રહ્યું છે. ભારે વરસાદના કારણે ખેતરો જળમગ્ન બન્યા છે. મહીસાગર નદીનું રોદ્ર સ્વરૂપ જોવા મળ્યું છે. કડાણા ડેમમાંથી પાણી છોડતા પાણીની આવક જોવા મળી છે.

મહીસાગર નદીનું રોદ્ર સ્વરૂપ જોવા મળ્યું

ડેસરમાં રાત્રી દરમિયાન વરસેલા વરસાદથી ખેતરો જળબંબોળ થયા છે. ઇંટવાડના ખેતરો તળાવ બન્યા છે. ઇટવાડ નજીકથી પસાર થતી મહીસાગર નદીના આકાશી નજારામાં રોદ્ર સ્વરૂપ જોવા મળ્યું છે. બે કલાકમાં 43મીમી વરસાદ નોંધાયો છે. કડાણા ડેમના 10 દરવાજા 2.43 મીટર ખોલાયા છે. કડાણા ડેમમાં અવિરત પાણીની આવક 1,38,877 કયુસેક છે. કડાણા ડેમમાંથી સવારે 6:00 વાગે 1. 52,400 ક્યુસેક પાણી મહીસાગરમાં છોડાયું છે.

 ડેસરનું ઇંટવાડ ગામે જળબંબાકારની સ્થિતિ 

ડેસરમાં અને આસપાસના વિસ્તારોમાં રાત્રિ દરમિયાન ધોધમાર વરસાદ નોંધાયો છે. ભારે વરસાદના પગલે ગામોમાં પાણી ભરાયા છે. કડાણા ડેમના દરવાજા ખોલી પાણી છોડવામાં આવી રહ્યું છે. . કડાણા ડેમમાં અવિરત પાણીની આવક 1,38,877 કયુસેક છે. કડાણા ડેમમાંથી સવારે 6:00 વાગે 1. 52,400 ક્યુસેક પાણી મહીસાગરમાં છોડાયું છે. નદી કિનારાના કામો ને સાવધ રહેવા તંત્રએ જણાવ્યું છે.