વલસાડમાં લાંબા વિરામ બાદ ધોધમાર વરસાદ પડ્યો છે. વલસાડના અલગ અલગ વિસ્તારોમાં ભરાયા પાણી છે. મુખ્ય બજાર, એમજી રોડ વિસ્તારમાં પાણી ભરાયા છે. રોડ પર વરસાદી પાણી ભરાતા વાહનચાલકો પરેશાન થયા છે. ધોધમાર વરસાદથી લોકોના ઘરમાં વરસાદી પાણી ઘૂસ્યા છે. રેલવે અંડરપાસમાં પણ પાણી ભરાયા છે. અંડરપાસથી પસાર થતા વાહનચાલકો પરેશાન થયા છે.


વલસાડમાં લાંબા વિરામ બાદ ધોધમાર વરસાદ 

Also Read

લાંબા વિરામ બાદ વલસાડ જિલ્લામાં મેઘરાજાએ ધોધમાર બેટિંગ શરૂ કરતાં વલસાડ શહેરમાં વહેલી સવારથી ચાર ઇંચ વરસાદ પડતા શહેરના અલગ અલગ વિસ્તારોમાં પાણી ભરાયા છે. વલસાડ શહેરનું મુખ્ય બજાર એમજી રોડ પર પાણી ભરાતા દુકાનોમાં પાણી ઘુસયા હતા. વેપારીઓમાં ભારે રોષ નગરપાલિકાની પ્રીમોનેશન કામગીરી ન થવાને કારણે વરસાદના પાણી દુકાનોમાં અને રસ્તા ઉપર ફરી વળ્યા છે.

આગામી 4 દિવસ ભારે ઉકળાટ અને ગરમી 

ગુજરાત હવામાન વિભાગની આગાહી પ્રમાણે હાલ રાજ્યમાં છૂટાછવાયા વરસાદની આગાહી કરવામાં આવી છે. હાલ ગુજરાતમાં કોઈ વરસાદી સિસ્ટમ સક્રિય નથી. હવામાન વિભાગની આગાહી પ્રમાણે 15 ઓગસ્ટ બાદ વરસાદનો નવો રાઉન્ડ શરૂ થશે. રાજ્યમાં ભારે વરસાદની શક્યતા નહીંવત છે. 15થી 21 ઓગસ્ટ રાજ્યમાં ભારે વરસાદની સંભાવના છે. આગામી 4 દિવસ ભારે ઉકળાટ અને ગરમી અનુભવાશે.


  • Follow us on: