ગુજરાતમાં વરસાદની વિદાય બાદ પણ હવામાન વિભાગ દ્વારા માવઠાની આગાહી કરવામાં આવી છે. આગામી સાત દિવસ રાજ્યમાં છુટા છવાયા વરસાદની આગાહી કરવામાં આવી છે. દિવાળીના તહેવારમાં પણ વલસાડ જિલ્લામાં ભારે વરસાદ ખાબક્યો હતો. વલસાડ સહિત ડાંગ જિલ્લામાં પણ માવઠું થવાની લોકોને હાલાકીનો સામનો કરવો પડ્યો હતો. આજે ફરીવાર વલસાડ જિલ્લાના વાતાવરણમાં પલટો આવ્યો હતો. વાપી તેમજ આસપાસના વિસ્તારોમાં ભારે વરસાદ ખાબક્યો હતો.
વલસાડ જિલ્લામાં આજે બપોર બાદ વાતાવરણમાં પલટો આવ્યો
વલસાડ જિલ્લામાં દિવાળીના તહેવારોમાં જ માવઠું થતાં લોકોને ભારે હાલાકીનો સામનો કરવો પડ્યો છે. વાપી તેમજ આસપાસના વિસ્તારોમાં ભારે વરસાદ ખાબક્યો છે. વલસાડ જિલ્લામાં આજે બપોર બાદ વાતાવરણમાં પલટો આવ્યો હતો. માવઠાને કારણે ખેડૂતોના પાકને નુકસાન થવાની ભીતિ સેવાઈ રહી છે. ભારે પવન સાથે વરસાદ થતાં જિલ્લામાં ત્રેવડી ઋતુનો અનુભવ થઈ રહ્યો છે. હવામાન વિભાગે વલસાડ જિલ્લામાં વરસાદની આગાહી કરી છે. કમોસમી વરસાદથી ખેડૂતોના પાકને નુકસાનની ભીતિ સેવાઈ રહી છે.
