ગુજરાતમાં ચોમાસાના તબક્કાવાર પબ્લિશ થતા અહેવાલો વચ્ચે છેલ્લા બે દિવસથી વિવિધ વિસ્તારોમાં હળવા થી મધ્યમ વરસાદી ઝાપટાં નોંધાઈ રહ્યા છે. આ સ્થિતિ વચ્ચે ભારતીય હવામાન વિભાગ (IMD) દ્વારા બપોરે 3:00 થી સાંજે 6:00વાગ્યા સુધીનું વિશિષ્ટ નાઉકાસ્ટ વેધર બુલેટિન જાહેર કરવામાં આવ્યું છે. બુલેટિન મુજબ રાજ્યના 23 જેટલા જિલ્લાઓમાં ગાજવીજ અને તેજ પવન સાથે હળવાથી મધ્યમ વરસાદી ઝાપટાં પડવાની પૂરેપૂરી સંભાવના વ્યક્ત કરવામાં આવી છે.
રાજ્યના 23 જેટલા જિલ્લાઓમાં ઝાપટાં પડવાની સંભાવના
હવામાન વિભાગના જણાવ્યા અનુસાર દક્ષિણ ગુજરાતના વડોદરા, ભરૂચ, નર્મદા, સુરત, તાપી, નવસારી, વલસાડ, દમણ અને ડાંગમાં વરસાદી માહોલ જામશે. બીજી તરફ મધ્ય ગુજરાતના પંચમહાલ, દાહોદ, છોટાઉદેપુર, મહિસાગર, ખેડા અને આણંદમાં પણ વીજળીના કડાકા-ભડાકા સાથે વરસાદી ઝાપટાં પડવાની આગાહી કરવામાં આવી છે.