ગુજરાતમાં ચોમાસું સંપૂર્ણપણે સક્રિય થતાં હવામાન વિભાગ દ્વારા આગામી 3 દિવસ સુધી રાજ્યભરમાં ભારેથી અતિભારે વરસાદની આગાહી કરવામાં આવી છે. વિવિધ વરસાદી સિસ્ટમો સક્રિય થવાના કારણે મેઘરાજા આગામી દિવસોમાં તોફાની બેટિંગ કરે તેવી પૂરેપૂરી શક્યતા છે.હવામાન વિભાગ દ્વારા આજે સમગ્ર ગુજરાત માટે રેડ એલર્ટ જાહેર કરવામાં આવ્યું છે.આગામી 8 અને 9 તારીખે પણ ભારે વરસાદની સ્થિતિ યથાવત રહેવાની આશંકા હોવાથી તે બે દિવસ માટે ઓરેન્જ એલર્ટ જારી કરવામાં આવ્યું છે.
ગુજરાતમાં આજે ભારે વરસાદની આગાહી
ગુજરાતમાં હવામાન વિભાગના વૈજ્ઞાનિક રામાશ્રય યાદવે જણાવ્યું હતું કે, આગામી સાત દિવસ સુધી હળવાથી ભારે વરસાદની આગાહી કરવામાં આવી છે. હાલમાં રાજ્યમાં ત્રણ વરસાદી સિસ્ટમ સક્રિય છે. આવતીકાલે સૌરાષ્ટ્ર અને કચ્છમાં ભારે વરસાદની સંભાવનાઓ છે. સૌરાષ્ટ્ર અને દક્ષિણ ગુજરાતમાં ભારે વરસાદની આગાહી છે. દક્ષિણ ગુજરાતમાં આજે ભારે વરસાદની આગાહી કરવામાં આવી છે. અમરેલી, ગીર સોમનાથ, નર્મદા અને ભરૂચમાં ભારેથી અતિ ભારે વરસાદની આગાહી કરવામાં આવી છે.