ગુજરાતમાં ચોમાસુ વધુ બળવત્તર બનતાં હવામાન વિભાગ દ્વારા વરસાદનું જોર વધવાની આગાહી કરવામાં આવી છે. રાજ્યમાં એકસાથે 4 જેટલી હવામાન સિસ્ટમ સક્રિય થવાના કારણે આગામી 30મી જુલાઈથી મેઘરાજાનો બીજો તબક્કો વધુ તીવ્ર બનશે. ખાસ કરીને દક્ષિણ ગુજરાતના વિસ્તારોમાં આ સિસ્ટમની અસરથી અતિભારે વરસાદ પડવાની સંભાવના વ્યક્ત કરવામાં આવી છે.
1 ઓગસ્ટે પણ આગાહી યથાવત
હવામાન તંત્રની આગાહી મુજબ 31 જુલાઈના રોજ રાજ્યના વિવિધ વિસ્તારોમાં વરસાદનું રેડ એલર્ટ જાહેર કરવામાં આવ્યું છે. 31મીએ દક્ષિણ ગુજરાત ઉપરાંત સૌરાષ્ટ્ર અને મધ્ય ગુજરાતના અનેક જિલ્લાઓમાં ભારેથી અતિભારે વરસાદ પડાવાની શક્યતા છે. વરસાદનું આ જોર ઓગસ્ટ મહિનાની શરૂઆતમાં પણ ચાલુ રહેશે અને 1 ઓગસ્ટે પણ રાજ્યમાં ભારે વરસાદી માહોલ જળવાઈ રહેશે.