Morbiમાં શનાળા પુલ પાસે નશામાં ધૂત ડમ્પરચાલકે બે વાહનોને લીધા અડફેટે

મોરબીના શનાળા પુલ નજીક એક નશામાં ધૂત ડમ્પરચાલકે બે વાહનોને અડફેટે લીધા હતા. સદનસીબે આ બનાવ દરમિયાન કોઈ જાનહાનિ થઈ નથી. સ્થાનિકોના જણાવ્યા અનુસાર પૂરપાટ ઝડપે આવતા ડમ્પરે પહેલા એક કન્ટેનર સાથે ભટકાયું અને ત્યારબાદ તેણે એક કારને અડફેટે લીધી હતી. આ ઘટનાની પોલિસને જાણ થતા તાત્કાલિક પોલીસે ઘટના સ્થળે પહોંચી ડમ્પરચાલકની અટકાયત કરી હતી. ડમ્પરચાલકની નશાની હાલતમાં હવાનો સ્થાન્કોનો આક્ષેપ હતો. જેને લઈ પોલીસે ડમ્પરચાલક વિરુદ્ધ કાર્યવાહી હાથ ધરી હતી.

અકસ્માત થયો હોવાના કારણે રસ્તા પર ટ્રાફિક જામ

ચાલુ મર્ગ પર અકસ્માત થયો હોવાના કારણે રસ્તા પર ટ્રાફિક જામ સર્જાયો હતો. ભારે ટ્રાફિક જામ સર્જાતા વાહનોની લાંબી કતારો લાગી હતી. વાહનચાલકોને ભારે હાલાકી ભોગવવી પડી હતી. પોલીસ દ્વારા સમગ્ર ઘટનાની કાર્યવાહી હાથ ધરવામાં આવી હતી. ત્યાર બાદ પોલીસે ટ્રાફિક પૂર્વરત કરાવી ડમ્પરચાલક વિરુદ્ધ આગળની કાર્યવાહી હાથ ધરી હતી. સદનસિબે આ ભયંકર અકસ્માતમાં કોઈ જાનહાની ન થતા મોટી દુર્ઘટના ટળી હતી.

નશામાં ધૂત ડમ્પરચાલક વિરુદ્ધ પોલીસ કાર્યવાહી 

સ્થાનિકોના જણાવ્યા અનુસાર, નશામાં ધૂત ડમ્પરચાલકને અકસ્માત કર્યા બાદ પણ કોઈ ભાન નહોતું. આમ બેફામ ચાલતા મોટા વાહનોના કારણે લોકોના જીવ જોખમમાં મુકાતા હોય છે. તે છતાં આવા લોકો અવાર નવાર અકસ્માતો સર્જીને ત્યાંથી રફુચક્કર થઈ જતા હોય છે. સ્થાનિકો દ્વારા પોલીસને અપીલ કરવામાં આવી હતી કે આવા અકસ્માતોને રોકવા માટે વહેલી તકે કડકમાં કડક કાર્યવાહી કરવી જોઈએ.