વડાપ્રધાન નરેન્દ્ર મોદીના 75મા જન્મદિવસની ગુજરાતમાં વિશેષ પ્રકારે ઉજવણી કરવામાં આવી રહી છે. રાજ્યમાં આજે પ્રધાનમંત્રીના જન્મદિવસ પર નમોત્સવની થીમ પર ખાસ આયોજનો કરવામાંઆવ્યા છે. કોઈ સ્થાન પર રક્તદાન શિબિર તો કયાંક સ્વચ્છતા અભિયાન હાથ ધરવામાં આવ્યું. ગાંધીનગરમાં ભાજપ પ્રદેશ કાર્યાલયમાં પણ પ્રધાનમંત્રીના જન્મદિવસની ખાસ ઉજવણી કરાઈ. આજના દિવસે ભાજપ કાર્યાલયમાં બાળકોને સુપોષણ કીટનું વિતરણ કરવામાં આવ્યું.
ભાજપ પ્રદેશ કાર્યાલયમાં કરાયું કિટનું વિતરણ
ભાજપ પ્રદેશ કાર્યાલયમાં પ્રધાનમંત્રીના જન્મદિવસ નિમિત્તે 30 હજાર કરતા વધુ સુપોષણ કીટનું વિતરણ કરવામાં આવશે તેમ ભાજપ પ્રવકતા યગ્રેશ દવેએ જણાવ્યું. વધુમાં તેમણે કહ્યું કે યુવા અને મહિલા મોરચાના કાર્યકર્તાઓ દ્વારા બાળકોને સુપોષણ કીટનું વિતરણ કરવામાં આવશે. કાર્યકરો પ્રધાનમંત્રીએ આપેલા સૂત્રોને સાર્થક કરવા તમામ પ્રયાસ કરશે. સ્વચ્છતા એ સ્વસ્થ આરોગ્યનો મંત્ર, સબ કા સાથ સબ કા વિકાસ, આળસ છોડી કાર્ય પર ધ્યાન આપો જેવા સૂત્રોને કાર્યકરોએ પણ અપનાવ્યા છે. અને એટલે જ ફક્ત મોટીમોટી વાતો કરવાના બદલે આવા કાર્યો થકી પ્રધાનમંત્રીને જન્મદિવસની કાર્યકરો તરફથી વિશેષ ભેટ આપવામાં આવી છે. આ સાથે જ પક્ષના કાર્યકરો દ્વારા પ્રધાનમંત્રીના સારા સ્વાસ્થ્યની પણ પ્રાર્થના કરવામાં આવી.
