Narmada: MLA ચૈતર વસાવાને લાફાકાંડમાં આજે કોર્ટમાં રજૂ કરાશે, સમર્થકો પોલીસ સ્ટેશને ઉમટ્યા

નર્મદા જિલ્લામાં બે પાર્ટીના નેતાઓ બાખડ્યા હોવાની ઘટનામાં AAPના ધારાસભ્ય ચૈતર વસાવાની ધરપકડ કરવામાં આવી છે. MLA ચૈતર વસાવાને આજે સાંજે 5 વાગ્યે કોર્ટમાં રજૂ કરાશે. ATVTની બેઠક દરમિયાન બબાલ થઈ હતી. ધારાસભ્ય ચૈતર વસાવા પર જાનથી મારી નાંખવા,અભદ્ર ભાષા પ્રયોગનો આક્ષેપ કરવામાં આવ્યો છે. ચૈતર વસાવાને LCB પોલીસ સ્ટેશન રખાયા છે. ચૈતર વસાવાના સમર્થકો પોલીસ સ્ટેશને ઉમટ્યા છે.

MLA ચૈતર વસાવાની ધરપકડ 

MLA ચૈતર વસાવાની અટકાયત સમયે પોલીસની જીપને સમર્થકોએ આડા ઉતરીને રોકી હતી. પોલીસ ચૈતર વસાવાને રાજપીપળા લઈ રવાના થઈ હતી. મોટી સંખ્યામાં સમર્થકો પોલીસ સ્ટેશનમાં આવી ગાડીની આગળ સૂઈ ગયા હતા. બે પાર્ટીઓના નેતાઓ વચ્ચે બબાલ થતા રાજકીય માહોલ ગરમાયો છે. આ મામલે નર્મદામાં MLA ચૈતર વસાવાની ધરપકડ કરવામાં આવી છે.

બે પાર્ટીના નેતાઓ બાખડ્યા

નર્મદા જિલ્લામાં આજે તાલુકા સંકલનની બેઠક યોજાઈ હતી. આ બેઠકમાં જિલ્લામાં વરસાદને લઈને ઉદભવેલ સમમસ્યા મામલે પક્ષના નેતાઓ વચ્ચે ચર્ચા થઈ હતી. આપના ધારાસભ્ય અને ડેડીયાપાડા તાલુકા પંચાયત પ્રમુખ વચ્ચે ઉગ્ર બોલાચાલી થઈ. નાગરિકોની ફરિયાદને લઈને શરૂ થયેલ ચર્ચા ઉગ્ર બોલાચાલીમાં પરિણમી અને મામલો એટલો વધ્યો કે વાત મારામારી સુધી પહોંચી. આપના ધારાસભ્યએ ડેડીયાપાડા તાલુકા પંચાયતના પ્રમુખને મારમાર્યો હોવાનું કથિત સૂત્રોએ જણાવ્યું છે.