એટલે કે હવે જામનગરમાં બાંધણીના ગરબા ધૂમ મચાવશે. આ સાથે જ માતાજીના સ્વરૂપવાળા ગરબા પણ ખૂબ ટ્રેન્ડમાં છે. દર વર્ષે માતાજીના અવનવા ગરબા બજારમાં જોવા મળતા હોય છે ત્યારે આ વર્ષે તો જામનગરની અનબાન શાન ગણાતી બાંધણી અને ઘરચોળાની પેટન પણ ગરબામાં જોવા મળી રહી છે તેમ ગરબા બનાવનાર નયનાબેને જણાવ્યું હતુ.
સાથે જ માતાજીના સ્વરૂપવાળા ગરબા પણ ખૂબ ટ્રેન્ડમાં છે
ગરબાના ભાવની વાત કરવામાં આવે તો સાદા ગરબા એટલે કે કલર વગરના ગરબા રૂપિયા 50 થી શરૂ થાય છે અલગ અલગ ડિઝાઇન કલર અને સાઈઝ પ્રમાણે ગરબા ના ભાવમાં ઉતાર ચડાવ જોવા મળતો હોય છે. સામાન્ય રીતે ગરબા મોટાભાગે લાલ તથા મરુન કલરના જોવા મળે છે ત્યારે આ વર્ષે માર્કેટમાં નિયોન કલર્સ જેવા કે કેસરી, લીલો, ગુલાબી, અને મેટ ફિનિશિંગ વાળા ગરબામાં વેલવેટ કલર, પલ કલર, મેટ નિયોન વગેરેનો ઉપયોગ કરવામાં આવ્યો છે. સામાન્ય રીતે લોકો મીડિયમ સાઇઝના ગરબાની પસંદગી વધુ કરે છે. આ ઉપરાંત ધાર અને કાંગરી વાળા ગરબા લોકોની પહેલી પસંદગી હોય છે.
