ગાંધીનગર સ્થિત રાજ્યના મુખ્ય વહીવટી મથક એવા સચિવાલયમાં નવરાત્રિ પર્વનો અનોખો રંગ જામ્યો છે. દૈનિક કામકાજના વ્યસ્ત શિડ્યુલ વચ્ચે પણ કર્મચારીઓમાં મા અંબાની આરાધના અને ગરબા પ્રત્યેનો ઉત્સાહ ચરમસીમાએ જોવા મળ્યો હતો. સચિવાલયના સંકુલમાં નવરાત્રિના તહેવારને લઈને આહલાદક અને ભક્તિમય વાતાવરણ સર્જાયું હતું.
બપોરના લંચ સમયનો કર્મચારીઓએ લીધો અનોખો આનંદ
ઓફિસના કામકાજમાંથી વિરામ લઈને બપોરે લંચ સમય દરમિયાન કર્મચારીઓએ ગરબાની ધૂમ મચાવી હતી. ભોજનના સમયગાળાનો ઉપયોગ કરીને સચિવાલયના તમામ વિભાગોના કર્મચારીઓ એકત્રિત થયા હતા અને ટૂંકા ગાળામાં જ ગરબાનો સૂર અને તાલ જમાવ્યો હતો.
