મા અંબાની આરાધના અને ગરબાના મહાપર્વ નવરાત્રિના આગમનને હવે ગણતરીના દિવસો જ બાકી રહ્યા છે, ત્યારે સુરત શહેરમાં અત્યારથી જ ગરબાનો ઘેરો રંગ જામવા લાગ્યો છે. પોતાના અનોખા મિજાજ અને ઉત્સવપ્રિયતા માટે જાણીતા સુરતીઓમાં નવરાત્રિ પહેલાં જ ભારે થનગનાટ જોવા મળી રહ્યો છે. શહેરમાં યોજાયેલા 'નવરાત્રિ બિફોર ગરબા' ના ખાસ કાર્યક્રમમાં ખેલૈયાઓએ મન મૂકીને ગરબે ઘૂમી ધમાલ મચાવી હતી.
સુરતમાં 'બિફોર ગરબા' નું ભવ્ય આયોજન
નવરાત્રિના નવ દિવસો દરમિયાન સ્ટેમિના અને સ્ટેપ્સની શ્રેષ્ઠ પ્રસ્તુતિ માટે ખેલૈયાઓ મહિનાઓથી પ્રેક્ટિસ કરતા હોય છે. આ ઉત્સાહને વધારવા માટે સુરતમાં વિશેષ રૂપે 'બિફોર ગરબા' નું આયોજન કરવામાં આવ્યું હતું. નવરાત્રિના સત્તાવાર પ્રારંભ પૂર્વે જ આયોજિત આ કાર્યક્રમમાં સુરતના ગરબારસિકો અને યુવાનો મોટી સંખ્યામાં ઉમટી પડ્યા હતા અને ગરબા ગ્રાઉન્ડને ધમધમતું કરી દીધું હતું.
