દેવભૂમિ દ્વારકા જિલ્લામાં સ્થાનિક સ્વરાજની ચૂંટણીઓ પૂર્વે ભાજપ સંગઠન દ્વારા શિસ્તભંગના કિસ્સામાં કડક વલણ અપનાવવામાં આવી રહ્યું છે. ભાણવડ તાલુકાના ભાજપના કાર્યકર જેઠાભાઈ છુછર સામે પક્ષ વિરોધી પ્રવૃત્તિના ગંભીર આક્ષેપો બાદ તેમને પક્ષમાંથી સસ્પેન્ડ કરવામાં આવ્યા છે.
પક્ષ વિરોધી પ્રવૃત્તિ બદલ એક્શન
જિલ્લા ભાજપ પ્રમુખ મયુર ગઢવી દ્વારા સત્તાવાર જાહેરાત કરવામાં આવી છે કે જેઠાભાઈ છુછર પક્ષની ગરિમા વિરુદ્ધની પ્રવૃત્તિઓમાં સંડોવાયેલા હોવાનું જણાતા, તેમને પક્ષની તમામ જવાબદારીઓ અને પ્રાથમિક સભ્ય પદેથી તાત્કાલિક અસરથી સસ્પેન્ડ કરવામાં આવ્યા છે.
