Gandhinagar : ભારતીય નેશનલ જનતાદળ નામના રાજકીય પક્ષના સ્થાપકને ત્યાં ઇન્કમટેક્ષના દરોડા, આ પક્ષની 957 કરોડની આવક

ગાંધીનગરમાં રાજકીય પક્ષના સ્થાપકને ત્યાં ઇન્કમટેક્સ વિભાગના દરોડા પડતા ચકચાર મચી ગઇ છે. ઇન્કમટેક્ષે ભારતીય નેશનલ જનતા દળના સંસ્થાપક સંજય ગજેરાને ત્યાં દરોડા પાડીને તપાસ શરુ કરી છે.

સંજય ગજેરાના નિવાસસ્થાન અને ઓફિસમાં દરોડા

ઇન્કમટેક્ષ વિભાગે ભારતીય નેશનલ જનતા દળના સંસ્થાપક સંજય ગજેરાના નિવાસસ્થાન અને ઓફિસમાં દરોડા પાડ્યા છે. મળેલી માહિતી મુજબ ભારતીય નેશનલ જનતા દળ રજિસ્ટર્ડ પક્ષમાં સૌથી વધુ આવક ધરાવતો પક્ષ છે

સંજય ગજેરાના ડ્રાઇવરના નિવાસસ્થાને પણ દરોડા

ઇન્કમટેક્ષ વિભાગે સંજય ગજેરાના ડ્રાઇવરના નિવાસસ્થાને પણ દરોડા પાડ્યા છે અને તપાસ શરુ કરી છે. પક્ષના દસ્તાવેજો, બેંક ખાતા તથા સંજય ગજેરાના બેંક ખાતાઓની તપાસ કરવામાં આવી છે.

ભારતીય નેશનલ જનતા દળ પાર્ટી રજિસ્ટર્ડ અનરેગ્નાઈઝ પક્ષોમાં સૌથી વધુ આવક ધરાવતા પક્ષોમાંનો એક

ભારતીય નેશનલ જનતા દળ પાર્ટી રજિસ્ટર્ડ અનરેગ્નાઈઝ પક્ષોમાં સૌથી વધુ આવક ધરાવતા પક્ષોમાંનો એક છે. પક્ષની બેનામી આવકનો સ્ત્રોત જાણવા માટે દરોડા પડ્યા હોવાનું જાણવા મળે છે.

 ભારતીય નેશનલ જનતાદળ નામના આ પક્ષની 957 કરોડની આવક

ઉલ્લેખનિય છે કે ચૂંટણીમાં જે પક્ષને સૌથી ઓછા મત મળે છે તેને રજીસ્ટર્ડ અમાન્ય પક્ષ તરીકે ગણવામાં આવે છે અને રાજ્યમાં આ કેટેગરીમાં રહેલા પાંચ પક્ષને 5 વર્ષમાં યોજાયેલી ચૂંટણીમાં કુલ 22 હજાર મત મળેલા હતા. એડીઆરના રિપોર્ટમાં જણાવાયા પ્રમાણે આ 5 પક્ષોની કુલ આવક 2316 કરોડ છે અને 1 વર્ષની આવક 1158 કરોડ છે. ભારતીય નેશનલ જનતાદળ નામના આ પક્ષની 957 કરોડની આવક છે