સ્થાનિક સ્વરાજની ચૂંટણીમાં શિસ્તબદ્ધ ગણાતી ભારતીય જનતા પાર્ટીમાં જૂનાગઢ ખાતે એક ગંભીર છબરડો સામે આવ્યો છે. જિલ્લા પંચાયતની બેઠકો માટે ઉમેદવારો નક્કી કરવામાં સ્થાનિક અને પ્રદેશ કક્ષાએ થયેલી સંકલનની ખામીને કારણે પક્ષની ભારે ફજેતી થઈ રહી છે.
નામમાં ગરબડ અને મેન્ડેટનો વિવાદ
વડાલ જિલ્લા પંચાયત સીટ માટે ભાજપ પ્રદેશ કાર્યાલય દ્વારા જાહેર કરવામાં આવેલી યાદીમાં મનસુખભાઈ ડાહ્યાભાઈ વધેરાનું નામ જાહેર કરવામાં આવ્યું હતું. જોકે, નવાઈની વાત એ છે કે ફોર્મ ભરતી વખતે મનસુખભાઈ રાણાભાઈ વધેરાએ ઉમેદવારી નોંધાવી છે. પ્રદેશની યાદીમાં એક નામ અને ફોર્મ ભરવામાં બીજું નામ આવતા રાજકીય વર્તુળોમાં અનેક તર્ક-વિતર્ક સર્જાયા છે.