આજે રાજ્યભરમાં ચાલી રહેલા સ્થાનિક સ્વરાજ્યની ચૂંટણીના મતદાનમાં મોરબી જિલ્લાના હળવદ તાલુકામાંથી એક અદભૂત અને પ્રેરણાદાયી તસવીર સામે આવી છે. હળવદના ચરાડવા ગામના રહેવાસી એવા 104 વર્ષના વયોવૃદ્ધ માજીએ આકરી ગરમી અને મોટી ઉંમરની શારીરિક મર્યાદાઓને બાજુ પર મૂકીને મતદાન કર્યું હતું.
લોકશાહીના સૌથી વૃદ્ધ સાક્ષી
હળવદના ચરાડવા ખાતે રહેતા કાશીબેન લાલજીભાઈ માકાસણાની ઉંમર ૧૦૪ વર્ષ છે. તેમણે હળવદની ચૈતન્ય નગર પ્રાથમિક શાળા ખાતેના મતદાન મથક પર પહોંચીને પોતાનો મતાધિકાર ઉપયોગ કર્યો હતો. ૧૦૪ વર્ષના કાશીબાને મતદાન મથક પર જોઈને અન્ય મતદારો અને ત્યાં હાજર ચૂંટણી સ્ટાફ પણ નતમસ્તક થઈ ગયો હતો.