ગુજરાતમાં સ્થાનિક સ્વરાજની ચૂંટણીનો માહોલ બરાબરનો જામ્યો છે, ત્યારે પાટણ જિલ્લામાં એક અનોખો નજારો જોવા મળ્યો હતો. ધિણોજ જિલ્લા પંચાયત બેઠક પરથી ભારતીય જનતા પાર્ટીના ઉમેદવારે પોતાની ઉમેદવારી નોંધાવવા માટે આધુનિક ગાડીઓ છોડીને પરંપરાગત બળદગાડાની પસંદગી કરી હતી.
સંસ્કૃતિ અને પરંપરાનો અનોખો સંગમ
ભાજપના ઉમેદવારે ભારતીય સંસ્કૃતિ અને ગ્રામીણ રિવાજોને જીવંત રાખવાના ઉદ્દેશ્ય સાથે બળદગાડામાં સવાર થઈને ફોર્મ ભરવા જવાનું નક્કી કર્યું હતું. આ અનોખી રેલી ચાણસ્મા હાઈવેથી મામલતદાર કચેરી સુધી યોજાઈ હતી. રસ્તામાં આવતા લોકો માટે આ આકર્ષણનું કેન્દ્ર બની હતી અને મોટી સંખ્યામાં કાર્યકરો પણ આ રેલીમાં જોડાયા હતા.