ગુજરાતમાં ચૂંટણી લડતા ઉમેદવારો પોતાના સોગંદનામામાં તમામ પ્રકારની માહિતી આપતા હોય છે. આ માહિતીને આધારે ઉમેદવાર પાસે કેટલી સંપત્તી છે અને કેટલા ગુના નોંધાયેલા છે તેની જાણકારી ચૂંટણી પંચને પ્રાપ્ત થાય છે. ત્યારે રાજકોટમાં ચૂંટણી લડી રહેલા ઉમેદવારોની માહિતી પણ સામે આવી છે.
કોંગ્રેસના 33 ઉમેદવારો પાસે પોતાનું વાહન નથી
રાજકોટ મનપાની ચૂંટણી લડી રહેલા કોંગ્રેસના 13 અને ભાજપના 16 ઉમેદવારો પાસે સોનું અને ચાંદી છે. આ ઉપરાંત ચોંકાવનારી વિગત એવી છે કે, ભાજપના 27 અને કોંગ્રેસના 33 ઉમેદવારો પાસે પોતાનું વાહન નથી. જ્યારે ચૂંટણી લડતા કૂલ 42 ઉમેદવારો પાસે રહેવા માટેનું ઘર નથી. 62 ઉમેદવારો એવા છે જેમની પર એક લાખથી લઈને 2.70 કરોડ રૂપિયા સુધીનું દેણું છે.